Aktualitet

Vdes 53-vjeçari nga Ndroqi, një ditë më parë denoncoi se nuk i jepnin mjekim








Bëni LIKE faqen zyrtare në Facebook
               Publikuar në : 19:52 - 24/10/20 |
mapo.al

Lutfi Çekiri, 53-vjeçari nga Ndroqi që u sorollat në dyert e spitaleve për të marrë ndihmë mjekësore ka ndërruar jetë pasditen e së premtes.



Një ditë para se të vdiste, ai së bashku me bashkëshorten kishin kaluar ditën e natën pranë ambienteve të spitaleve, të dëshpëruar se dikush mund ti shihte dhe do ti jepte një përgjigjje për gjendjen e rënduar shëndetësore, por jo.


Çekiri u intervistua nga Fax News duke treguar se si e kaluan nga një spital tek tjetri, pa u shqetësuar aspak se sa po përkeqësohej gjendja e tij.



Mbrëmë ishim në urgjencë dhe na kanë sjellë këtu për stomakun. Këtij i thotë shko tek infektivi, tjetri thotë s’je për këtu. Kemi qenë mbrëmë në Urgjencë, nga këtu shkuam në Laprakë. Atje më dhanë qetësues e më thanë duhet të shkosh të vizitohesh për stomakun. Tani nuk na japin përgjigje, një thotë shko atje. Jam me veshka, me ulçerë në stomak, tensionin e kam të ulët”, tha Çekiri ndërsa gruaja shtoi se ka nevojë urgjente për shtrim.


Mesa duket, Ministria e Shëndetësisë ka angazhuar të gjithë stafin mjekësor tek spitalet Covid duke lënë jashtë vëmendjes shërbimet e tjera. Janë ngritur shpesh herë ankesa se në QSUT ka pacientë të ardhur nga qytete të ndryshme që nuk marrin trajtimet e nevojshme. Ndërkohe për shkak të shtimit të të infektuarve me Coronavirus, të hënën pritet të hapet spitali COVID-3.



Etiketa:

CLOSE
CLOSE
Pas