Sipërmarrësi i programeve anti-virus John McAfee është gjetur i vdekur në burgun e Barcelonës disa orë pasi gjykata spanjolle ra dakord për ekstradimin e tij në SH.B.A, për t’u përballur me akuzat e evazionit fiskal.
Departamenti katalanas i drejtësisë tha se mjekët ishin përpjekur ta ringjallnin 75-vjeçarin, por nuk i dolën.
Kompania e John McAfee lëshoi programin e parë komercial anti-virus.
McAfee VirusScan ka krijuar një industri miliarda dollarëshe në botën e kompjuterëve dhe teknologjisë.
John McAfee u arrestua në tetor të 2020, kur po bëhej gati të hipte në një aeroplan për në Turqi dhe u akuzua për mosdeklarim të taksave për katër vjet.
Departamenti amerikan i drejtësisë pretendon se McAfee ka shmangur pagesën e detyrimeve financiare.
Ai u akuzua gjithashtu për fshehje të pasurive, duke përfshirë një jaht dhe pronë të paluajtshme.
