Afrika e Jugut është tronditur të dielën pasi aktivisti Desmond Tutu ndërroi jetë në moshën 90-vjeçare, duke lënë pas luftërat e tij për të drejtat e njeriut në Afrikën e Jugut, ku njerëzit ndaheshin në bazë të racave.
Fituesi i Çmimit Nobel për Paqe, Desmond Tutu ka ndërruar jetë në moshën 90-vjeçare.
Lajmin e ka konfirmuar presidenti i Afrikës së Jugut, Cyril Ramaphosa përmes një postimi në rrjetin social Twitter.
Ramaphosa tha se vdekja e Tutus paraqet edhe një përshëndetje nga gjenerata e jugafrikanëve të dalluar.
Ai shtoi se trashëgimia e Tutus është Afrika e Jugut e çliruar.
Tutu ka qenë aktivist i cili ka luftuar për barazi racore por edhe për çështjet e komunitetit LGBT në Afrikën e Jugut edhe pse ka shërbyer si kryepeshkop.
Desmond Tutu mbahet mend si kundërshtar i aparteidit e cila ishte një ideologji politike që kishte në bazë të saj ndarjen racore mes njerëzve.
90-vjeçari është arrestuar në vitin 1980 për pjesëmarrje në protesta e më vonë regjimi i Afrikës Jugore i konfiskoi edhe pasaportën.
Pas rikthimit të pasaportës e shfrytëzoi për të udhëtuar në SHBA dhe Evropë ku takoi zyrtarë të lartë shtetesh, presidentë e shumë të tjerë, në kërkim të ndihmës për kauzën e tij.
Desmond Mpilo Tutu u lind më 7 tetor 1931 në Klerksdorp, qytezë kjo në perëndim të Johanesburgut dhe ishte mësues para se të bëhej prift.
