I ftuar në emisionin “Opinion”, kryebashkiaku Erion Veliaj u shpreh se teatri i ri do ndërtohet në një pjesë të truallit ku u shemb Teatri Kombëtar.
Pyetjes së Fevziut se i garanton qytetarët që pas teatrit të ri nuk do ndërtohen kulla, Veliaj tha se nuk mund të garantojë asgjë.
“Ajo është një pronë e bashkisë dhe Bashkia Tiranë do zgjedhë formën për ta zhvilluar një pronë publike”, – u shpreh Veliaj.
Këmbënguljes së Blendi Fevziut për dhënien e fjalës që tek Teatri nuk do ndërtohen kulla, Veliaj zgjodhi ta shmangte duke argumentuar se mund të ndërtohet hotel, park apo diçka tjetër dhe se bashkia do ta mendojë çfare do bëjë aty në një moment tjetër.
Etiketa: kulla, teatri, veliaj
