Aktualitet

Vëllezërit Doçi mohojnë kundërpërgjigjen me armë ndaj Përkolës














Bëni LIKE faqen zyrtare në Facebook
               Publikuar në : 10:50 - 22/03/21 |
mapo.al

Dy vëllezërit Marjan dhe Hoten Doçi të cilët mbetën të plagosur mbrëmjen e së shtunës në Shkodër, nuk kanë pranuar se kanë qëlluar me armë. Në vendin e ngjarjes janë gjetur vetëm gëzhoja dhe jo arma që është qitur. Madje mësohet të kenë thënë se janë zënë në pritë nga autori i ngjarjes.





“Jemi zënë në pritë dhe kemi dëgjuar vetëm krismat e armëve” mësohet të kenë thënë dy vëllezërit të cilët u arrestuan dje nga policia për shkak se akuzohen se janë kundër përgjigjur me armë ndaj autorit që ka tentuar ti vrasë.


Pas këtyre fjalëve ata nuk kanë pranuar të tregojnë më shumë para grupit hetimor të ngjarjes së rëndë.




Konflikti ka nisur në një nga lokalet të fshatit Bardhaj mes dy vëllezërve dhe Besim Përkolës, ky i fundit i shpallur në kërkim për plagosjen e dy vëllezërve.

Lexo edhe :  Të shtëna me armë zjarri në Mamurras, plagosen dy policë dhe një qytetar

Përkola është larguar nga lokali dhe pasi ka marr armën e zjarrit, ka zënë priten ndaj dy vëllezërve të cilët ishin duke u kthyer për në banesë.


Nga sa mësohet në bazë të provave të mbledhura nga grupi hetimor ka qenë Besim Përkola i cili ka shtënë në drejtim të dy vëllezërve dhe më pas njeri nga këta i është kundërpërgjigjur me pistoletë të cilën e kishte me vete.

I frikësuar nga kundërpërgjigja e dy vëllezërve Besim Përkola është larguar nga vendi i ngjarjes. Në vend janë gjetur 11 gëzhoja prej të cilave 10 gëzhoja automatiku dhe 1 gëzhojë pistolete. Ndërsa arma e zjarrit pistoletë më të cilën dyshohet se janë kundërpërgjigjur vëllezërit Doçi nuk është gjetur.

1


Etiketa: ,

Share
Mbyll
CLOSE
CLOSE
Pas