“Ligjshmëria garantohet nga Gjykata Kushtetuese dhe ajo ende nuk ka folur, legjitimiteti buron nga populli”, thotë Presidenti në detyrë i Perusë, që përballet me akuzat e Kongresit për marrje rryshfeti në vlerën 670.000$ kur drejtonte si Guvernator i një rajoni rrugor para më shumë se 4 vjetësh.
Ai nga ana tjetër pretendon se po sulmohet axhenda e tij anti-korrupsion nga një legjislativ i përfshirë në konflikte të thella mes partive rivale dhe i kontrolluar nga grupe të përfshira në afera korruptive.
Ndërkohë zgjedhjet presidenciale zhvillohen në prill dhe Presidenti Vizcarra, që kandidoi si i pavarur në krye të herës e ka të ndaluar me kushtetutë të marrë një mandat të dytë.
E më në ndërkohë kërkesën për shkarkimin e Presidentit dhe betimin në vend të tij të kreut të Kongresit, pa folur Gjykata Kushtetuese, protestuesit në rrugë e cilësojnë grusht shteti, duke demonstruar megjithëse në kufizime pandemie në gjithë Perunë.
Situata ekonomike prej pandemisë është në prag krize. Nuk e di kush ka të drejtë, s’kam si ta di, po kur lexoj ca fakte nuk rri dot pa bërë ca krahasime…
Ushtrim, klasa e gjashtë:
Ushtrohuni me termat peruanë:
Gjykatë Kushtetuese, Kongres nën qëndrime të kundërta partish politike, ryshfet i hershëm 640.000$ i pavërtetuar, protesta, betejë antikorrupsion nisur nga një shtetar, protestë popullore, legjitimitet nga populli, mandat i kufizuar pushteti deri në 4 vjet.
Vendosni këto terma në fjali për Shqipërinë!
