Edhe këtë të diel sinoptikanët parashikojnë temperatura të larta në rajonin tonë. Më 22 maj vapa jo stinore do të ndihet më tepër në të gjithë rajonin e Europës Qendrore, ndërsa në fillim të javës ajo do të zbresë dhe do të jetë radha e rajonit tonë.
Anticikloni i Afrikës Veriore do të mbizotërojë në të gjithë Europën, duke shtyrë një masë ajri shumë të nxehtë mbi rajonet tona, e cila nga e hëna 23 deri të martën 24 maj do të bëjë të ndjehen efektet maksimale.
Parashikimi vjen nga meteorologët dhe ekspertët italianë. Në fillim të javës priten vapë me maksimumin 35 gradë. Rajonet veriore, nga ana tjetër, do të kenë një rritje të paqëndrueshmërisë nga e hëna për shkak të rrymave të Atlantikut mbi Evropën Qendrore, me stuhi të mundshme dhe një zbutje fillestare të vapës.
Më 25 maj zonat malore mund të përfshihen nga stuhi të forta . Ky trazim do të sjellë edhe rënie të theksuar të temperaturave të mërkurën dhe të enjten në pjesët e tjera të vendit dhe të rajonit.
Të dielën më 25 maj moti do të jetë kryesisht me diell, kurse në mbrëmje do të ketë vranësira pranë brigjeve të Adriatikut.
Temperaturat do të kapin lera maksimale 25 dhe 32 gradë. Erërat pritet të jenë të lehta.
Të hënën priten reshje të lehta dhe rënia e temperaturave në zonat alpine. Në bregdetin e Adriatikut temperaturat pritet të kapin vlerat maksimale ndërmjet 27 dhe 33 gradë; të cilët në zona të caktuara mund të shkojnë deri në 35 gradë. Liberale.al