Një aksident i rëndë ka ndodhur këtë mesditë në Thumanë. Raportohet se dy makina janë përplasur, dhe si shkak i përplasjes së fortë, njëra prej makinave është anuar në mes të rrugës. Për pasojë, 4 persona kanë mbetur të plagosur, drejtuesi i mjetit tip “Ford”, dy pasagjerët e tij si dhe drejtuesi i mjetit tip “Volksvagen”, të cilët janë trasportuar drejt Spitalit të Traumës në kryeqytet jashtë rrezikut për jetën.
Policia dhe grupi hetimor ndodhet në vendngjarje për të zbardhur rrethanat dhe shkaqet e aksidentit. Siç duket dhe në pamjet më poshtë, aksidenti është bërë shkak për bllokimin e rrugës duke shkaktuar varg të gjatë automjetesh.
Njoftimi i Policisë
Fushë – Krujë
Informacion paraprak
Me date 02.09.2019, në aksin rrugor Laç – Fushë Krujë, në afërsi të rrethrrotullimit të Thumanës automjeti tip Ford me drejtues shtetasin S.I., është përplasur me një mjet tip Volksvagen.
Për pasojë janë aksidentuar drejtuesi i automjetit tip Ford, shtetasi S.I., dhe pasagjerët në mjetin e tij, shtetasit O.I., dhe H.I., si edhe drejtuesi i mjetit tip Volksvagen, shtetasi U.D., të cilët janë nisur për në Spitalin e Traumës Tiranë për të marrë ndihmë mjekësore, jashtë rrezikut për jetën.
***
Kujtojmë se një aksident tejet i rëndë ndodhi mëngjesin e sotëm në Elbasan, ku një këmbësor është përplasur nga një mjet tip trajler i cili drejtohej nga I.T., 66 vjeç. U raportua se këmbësori 40-vjeçar është nisur me urgjencë drejt Spitalit Rajonal të Elbasanit dhe ndodhet nën kujdesin e mjekëve në gjendje të rëndë, ndërsa drejtuesi i mjetit është shoqëruar në Komisariatin e Policisë Elbasan.
