Trajneri i Kukësit, Armando Cungu, ka vendosur të mos shohë emrat e lojtarëve apo faktin se klubi i ka afruar në verë duke shpenzuar shumë për të përforcuar radhët e tij. Për ndeshjen e kthimit ndaj Torpedo Kutaisi ai ka vendosur që të lërë në stol Arbër Çyrbjen, i cili nuk ka qenë në maksimumin e tij në ndeshjet e deritanishme edhe pse ka luajtur rregullisht në krahun e djathtë.
Në vend të tij, në formacion kthehet Valon Et’hemi, i cili shihej si lojtar me perspektivë për të ardhmen, por me afrimin e Çyrbjes ishte lënë në hije. Et’hemi mungoi në ndeshjen e parë pasi nuk u pajis me vizë për udhëtimin në Gjeorgji.
MINUTË PAS MINUTE
29′ GOOOL Kukësi, shënon Rexhinaldo. Sulmuesi fiton një penallti pas një kontakti në zonë dhe e ekzekuton po vetë saktësisht duke kaluar në avantazh Kukësin.