Mbrëmjen e djeshme u zhvilluan 2 sfidat e fundit të grupit B në Kupën e Amerikës. Edhe pse me vështirësi, Argjentina arrit të marrë një fitore të pastër ndaj Katarit, me rezultatin 0-2. Në minutën e 4-të, Lautaro Martinez shënoi, pasi përfitoi nga një gafë në mbrojtjen e Katarit. U duk sikur Argjentina do zhvillonte një goleadë në “Arena do Gremio”, por Katari ia vështirësoi fitoren, ku vetëm në minutën e 82-të, pas një depërtimi personal të Agueros, erdhi qetësia në klubin e Argjentinës.
Nga ana tjetër mund të themi që edhe Kolumbia e ndihmoi Argjentinën, pasi fitorja 1-0 ndaj Paraguait i dha mundësinë skuadrës së Messit të kualifikohej. Një fitore e Paraguajit do ta linte Argjentinën në vendin e 3-të me 4 pikë.
Kolumbia mban vendin e parë me 9 pikë, ndërsa Argjentina ngjitet e dyta me 4 pikë, dhe kualifikohet në fazën tjetër.
