Kronika

Video/ Minoritari qëllon policinë me kallashnikov në Gjirokastër. Emri…






               Publikuar në : 12:51 - 28/10/18 |
mapo.al

Një incident i rëndë ka ndodhur mëngjesin e sotëm në fshatin Bularat të Gjirokastrës. Një qytetar minoritar, Kostandin Kaçifa, ka qëlluar me armë policinë shqiptare, më saktë automjetin e saj.


Fatmirësisht nuk ka oficerë policie të plagosur dhe as të lënduar, por tashmë për autorin e të shtënave kanë nisur telashet…

Policia i është vënë në ndjekje shtetasit Kaçifa, i cili ka marrë arratinë pas aktit të pa menduar.

Njoftimi i Policisë së Gjirokastrës:

“Bularat, Gjirokastër.

Rreth orës 10:00 në krye të fshatit Bularat, shtetasi Kostandinos Kaçifa, rreth 35 vjeç ka qëlluar me armë zjarri në ajër.

Menjëherë në drejtim të vendit nga vinin të shtënat kanë shkuar shërbimet e Policisë të cilat ishin të dislokuara në qendër të fshatit pasi do zhvillohej aktivitet me rastin e festës së Greqisë.

Shtetasi Kostandinos Kaçifa porsa ka parë shërbimet e policisë që po afroheshin në drejtim të tij ka hapur zjarr me breshëri ndaj punonjësve të policisë duke rrezikuar jetën e tyre.

Fatmirësisht nga të shtënat nuk ka punonjës policie të plagosur, por vetëm është thyer xhami i  mjetit të policisë.

Policia menjëherë ka rrethuar zonën ku përsëri ky shtetas ka hapur zjarr në drejtim të punonjësve të policisë që po e ndiqnin.

Shtetasi Kostandinos Kaçifa është futur në thellësi të fshatit ku forcat “Shqiponja” dhe shërbimet e tjera të Drejtorisë Vendore të Policisë vijojnë krehjen e zonës për të bërë të mundur kapjen e tij.

Në ndihmë të shërbimeve të Policisë së DVP Gjirokastër kanë shkuar forcat speciale Renea.

Shtetasi Kostandinos Kaçifa jeton në Greqi dhe ka rreth një javë që ka ardhur në Bularat.

Vijon ndjekja…”


Etiketa: , , ,

CLOSE
CLOSE
Pas