Në pak sekonda turma e madhe protestuesve pushtoi sot autostradën si edhe rrugët dytësore duke mos lënë asnjë automjet të kalojë. Ky moment krijoi tensione në të dy kahet, por pa incidente fizike, përjashtuar tentativën e këtij motoristi që kërkon të çajë mes turmës me motorin e tij ‘Harley’.
Një prej protestuesve e goditi drejtuesin e motorrit, por në sfond dëgjohet edhe një zë që thotë “Është i joni” dhe mban turmën në kontroll. Në PD ka disa figura të larta të cilët njihen për pasionin me motorrët ‘Harley’.
Në karvanin e gjatë afër një kilometër është gjendur edhe një autoambulancë e Sarandës që kishte transportuar një rast urgjent drejt QSUT dhe po kthehej bosh.
Ndërkohë pak më tutje saj pasagjerët e linjës Tiranë-Durrës kanë replikuar gjatë me shoferin e autobusit që ky i fundit tu kthejë pas lekët për vonesë dërgimi në destinacion. Gjatë protestës u vunë re shumë pak policë me uniformë të cilët mund të kishin devijuar automjetet drejt rrugës së Rinasit njësoj siç vepruan kur ndodhi përmbytja e madhe në janar çka do të kishte shmangur bllokimin e tyre për orë të tëra në trafik. 1 orë më herët opozita i ka dhënë fund protestës duke rikthyer në normalitet qarkullimin rrugor në segmentin më strategjik të Shqipërisë.