Kosova zhvilloi një ndeshje të madhe mbrëmjen e djeshme kundër Bullgarisë në shtëpinë e kësaj të fundit. Ishte skuadra e Kosovës që zhbllokoi rezultatin në 14’ me talentin Milot Rashica. Pak para përfundimit të pjesës së parë, në 43’ vendasit barazuan rezultatin, për të kaluar në avantazh më pas në 55’. Kjo gjendje nuk zgjati shumë pasi në 64’ Vedat Muriqi barazoi shifrat me një gol me kokë në brendësi të zonës. 2 minuta nga fundi i takimit erdhi dhe goli i fitores që gëzoi shumë shqiptarë edhe përtej kufirit. Rashani nuk e shpërdoroi një krosim të Rashicës nga e majta, duke e dërguar topin në rrjetë pas një goditjeje të fortë me kokë. Kosova ndodhet në vendin e 3-të me 5 pikë, 1 më pak se Çekia e vendit të 2-të.
Video/ Shkëlqeu ndaj Bullgarisë, Kosova ka shpresa të mëdha
