Zhurma e trapanit, shkaku i sherrit në Kavajë që tronditi opinionin për të cilin policia nuk flet.
Dje, ish-kryeministri Sali Berisha publikoi në faqen e tij në Facebook, një video, nga një ngjarje e rëndë një një lokal në Kavajë. Një djalë i ri, futet brenda ambjenteve dhe godet pa mëshirë një burrë, duke e lënë të shtrirë në dysheme.
Kjo ngjarje ka marrë edhe më shumë vemendje, për shkak se sot është dita e dytë, dhe policia e këtij qyteti, ende nuk ka bërë një deklaratë, një reagim.
Gazeta Mapo, ka mësuar se dhunuesi dhe i dhunuari janë fqinj, dhe shkak i konfliktit është zhurma që ka bërë i dëmtuari, gjatë punimeve në shtëpi.
Zhurma e trapanit, ka bërë që në fillim ata të debatojnë e të shkëmbejnë fyerje.
Më pas, agresori e ka gjetur fqinjin e tij në lokal, ku e ka goditur disa herë me një mjet të fortë.
