Kryesore

Videotakimi Rama-Vuçiç-Zaev, Kryeministria zbardh detajet: Në fokus minishengeni, ftesë Kosovës








Bëni LIKE faqen zyrtare në Facebook
               Publikuar në : 18:11 - 30/10/20 |
mapo.al

Kryeministria ka zbardhur detaje nga videotakimi mes kryeministrit shqiptar Edi Rama, atij të Maqedonisë së Veriut, Zoran Zaev dhe presidentit serb, Aleksandar Vuçiç.



Tre liderët kanë dalë me një deklaratë të përbashkët pas takimit virtual. Sipas zyrës së shtypit në Kryeministri në fokus të bashkëbiseduesve ka qenë bashkëpunimi ekonomik rajonal në kuadër të minishengenit.


Presidenti Vuçiç dhe kryeministrat, Rama dhe Zaev, theksuan se nisma për thellimin e bashkëpunimit rajonal është plotësisht në përputhje me Procesin e Berlinit dhe një bazë e mirë për Samitin e Sofjes.




Udhëheqësit e Serbisë, Shqipërisë dhe Maqedonisë së Veriut – Presidenti Aleksendar Vuçiç, kryeministrat, Edi Rama dhe Zoran Zaev, zhvilluan sot një takim përmes Zoom-it për rifillimin e nismës për bashkëpunimin e thelluar rajonal që u prezantua vitin e kaluar.



Veprimtaritë e nismës për bashkëpunimin e thelluar rajonal u shtynë për shkak të pandemisë Covid-19 dhe zgjedhjeve në Maqedoninë e Veriut dhe Serbi. Tre udhëheqësit ranë dakord se kriza e ka theksuar nevojën për intensifikimin e mëtejshëm të bashkëpunimit të ndërsjellë dhe integrimit ekonomik rajonal.


Gjatë takimit online, Presidenti Vuçiç dhe kryeministrat, Rama dhe Zaev, theksuan se nisma është në përputhje të plotë me Procesin e Berlinit dhe përbën një bazë të mirë për përgatitjen e vendeve të Ballkanit Perëndimor për takimin e ardhshëm mbi Ballkanin Perëndimor, që do të mbahet në nëntor në Sofje. Këtë vit, Bullgaria dhe Maqedonia e Veriut janë bashkëkryesuese të Procesit të Berlinit.

Udhëheqësit e Serbisë, Shqipërisë dhe Maqedonisë së Veriut ranë dakord se është shumë e rëndësishme që në nismën për bashkëpunim të thelluar rajonal të marrin pjesë të gjashta vendet e Ballkanit Perëndimor”, thuhet në njoftimin e shpërndarë për mediat nga Kryeministria.

Lexo edhe :  Mafia italiane, PD: Korrupsion galopant - përpjekja e Taulant Ballës, patetike

Gjithashtu, në këtë takim Rama, Vuçiç dhe Zaev ftuan sërish Kosovën që t’i bashkohet nismës së minishengenit rajonal.

“Ata ftuan zyrtarisht Kosovën që të bashkohet me nismën për bashkëpunim të thelluar rajonal.

Ftesa vjen në vijim të kuadrit të përcaktuar në takimin e Uashingtonit në shtator të këtij viti midis Presidentit serb, Aleksandar Vuçiç dhe Kryeministrit të Kosovës, Avdullah Hoti.

Presidenti Vuçiç dhe kryeministrat, Rama dhe Zaev ranë dakord po ashtu të ngrenë një grup të përhershëm pune, që do të përfshijë përfaqësues zyrtarë nga secili prej vendeve, me qëllim përshpejtimin e zbatimit të veprimtarive, për të cilat është rënë dakord në kuadrin e nismës së bashkëpunimit të thelluar rajonal.

Udhëheqësit ranë dakord se nisma e bashkëpunimit të thelluar rajonal mund të përdoret për identifikimin e projekteve të përbashkëta në infrastrukturë për agjendën e zhvillimit të rajonit, në përputhje me Paketën Ekonomike e të Investimeve të BE-së për Ballkanin Perëndimor.

Po ashtu, tre Liderat u dakortësuan të thellonin bashkëpunimin dhe të linjëzojmë politikat në lidhje me shëndetin publik në kontekstin e luftës kundër Covid-19.

Tre udhëheqësit thanë se shpresonin që, së shpejti, edhe qeveritë e Malit të Zi dhe Bosnje-Hercegovinës do të mund t’i bashkoheshin nismës. Kështu, mund të arrihet një bashkëpunim më i mirë ekonomik midis të gjitha vendeve të rajonit, çka do të sillte si rezultat rritjen e lirive, tregtisë dhe përgjithësisht, standarde më të mira jetese për të gjithë popujt e rajonit”, njofton Kryeministria.

1


Etiketa: , , ,

CLOSE
CLOSE
Pas