Justifikimi i djeshëm i SPAK për tenderat emergjente të Covidit ishte i turpshëm. Prokuroria pranon që kitet u blene me çmim 3 here më të shtrenjte se tregu, por sipas saj, ministria e Shendetësisë nuk ka faj.
As anëtarët e Komisionit nuk kanë faj- thotë prokuroria- perveçse duhet të jenë më vigjilente herën tjeter dhe të verifikojne çmimet e tregut ndërkombetar.
Çmenduri.
Ajo që ka ndodhur është e qartë. Respiratorët, nga 2 mijë euro që kushtonin në treg u blenë me 6400 euro. Kitet, nga 2 dollare u blene me 6 dhe 9 dollare. Qytetareve shqiptare ju grabiten miliona euro, ndërsa Spak thotë se nuk ka veper penale, thjesht komisioni gaboi pak se nuk verifikoi çmimet ne tregun nderkombetar.
Vini nën hetim SPAK-un pastaj. Ose detyrojini prokuroret t’i kthejne ata lekët e qytetareve që avulluan me tenderat e Covidit. Kaq e thjeshtë është.
Ku ka gare në botë që prokurohet me vlere 3 herë më të lartë se tregu dhe nuk mban njeri pergjegjesi. Nuk është 10 përqind me shume, as 20 përqind. Madje as 100 per qind. Eshtë trefish. Janë miliona euro që u janë marrë qytetarëve padrejtesisht, duke shfrytezuar krizën. Ndërsa disa njerez vdisnin nga virusi, disa të tjere fitonin miliona duke bërë biznes me vdekjen. Kjo ka ndodhur me vigjilentet e Ministrise së Shendetesisë.
Ndërkohe, ajo kompania që del tek pergjimet e Ndraghetes, ka marre miliona e miliona euro tendera publike, pikerisht nga Ministria e Shendetesise. Madje me 2017-en, kur kane ndodhur ato përgjimet, KLSH e ka klasifikuar si peshkaqenin më të madh të buxhetit të shendetësisë. Të paren. Por edhe këtu, ka qënë çeshtje vigjilence, si gjithmonë.
