Aktualitet

Vizat/ Haradinaj: Liberalizimi shumë pranë






               Publikuar në : 21:15 - 15/07/19 |
mapo.alm

Kryeminsitri i Kosovës, Ramush Haradinaj, gjatë një vizite në komunën e Vushtrisë, ka folur për liberalizimin e vizave. Haradinaj ka thënë se nuk është larg dita kur do të bëhet liberalizimi. “Iu siguroj që vizat nuk e kemi larg që t’i marrim. Sot e kemi pasur ministrin e Shëndetësisë të Gjermanisë, Jens Sphan. Kam biseduar edhe me të për këtë temë. Jemi duke punuar, nuk është larg dita e marrjes së vendimit për vizat. Nuk është e lidhur me taksën. Po të bëhej liberalizimi për Kosovën kjo do të krijonte atmosferë tjetër në Ballkan, e qetëson Ballkanin, sepse ne jemi të vetmit të izoluar, plus i kemi kryer të gjitha kriteret”, ka thënë Haradinaj.


Haradinaj ka theksuar se taksa hiqet atëherë kur Serbia ta njohë Kosovën. “E vërteta është se kërkesa për pezullim të taksës është kërkesë të na disiplinojë, që ne ta mendojmë një zgjidhje me më shumë kompromise për marrëveshjen finale me Serbinë. Prej nesh nuk ka mbetur shumë ç’ka me dhënë për njohjen, por mund ta japim një partner ekonomik për Serbinë, pasi që kur të na njohë ajo, e heqim taksën”, ka thënë ai.

Ndryshe nga Haradinaj, ministri i Punëve të Jashtme, Behgjet Pacolli, ka thënë se nuk dëshiron të japë afat kohor për liberalizimin e vizave.

“Kemi pasur një vizitë të suksesshme në Gjermani dhe në Francë. Kemi bsieduar në mënyrë dinjitoze, dhe jemi duke punuar që edhe ato gjëra që kanë mbetur pa u qartësuar të  qartësohen. Mos më bëni t’ju premtoj asgjë. Me vullnet do të iu thoja nesër, por jemi duke punuar, jemi në rrugë të mirë për këtë”, ka theksuar ai.

 


Etiketa: , ,

CLOSE
CLOSE
Pas