Aktualitet

Vizita në Kosovë/ Lulzim Basha kryen homazhe te memoriali i Ibrahim Rugovës







Bëni LIKE faqen zyrtare në Facebook
               Publikuar në : 17:29 - 21/07/20 |
mapo.al

Kryetari i Partisë Demokratike Lulzim Basha ndodhet në një vizitë zyrtare dyditore në Kosovë, duke takuar krerët më të lartë të shtetit dhe politikës. Krahas takimeve kryedemokrati ka kryer homazhe në memorialin e ish-Presidentit Ibrahim Rugova.


Në një status në rrjetin social Facebook Basha shprehet se ideja e Rugovës se Pavarësia e Kosovës do ta paqtonte rajonin, është sot një realitet.


“Ibrahim Rugova do të mbetet frymëzim për breza të tërë politikanësh që vendin dhe popullin e tyre e vënë përpara interesit personal. Nderim përjetë veprës së ndritur të Presidentit Ibrahim Rugova”, përfundon Basha.



 


Postimi i plotë 


Një moment i veçantë për mua, sa herë që shkoj në Kosovë, është nderimi i arkitektit të Kosovës së pavarur Presidentit Ibrahim Rugova.

Dr. Ibrahim Rugova u bë nismëtar i një lëvizje madhore për liri, kur të paktë ishin ata që guxonin ta arrikulonin këtë ide, nën dhunën dhe terrorin serb.

Ideja e tij e parashtruar para miqve e partnerëve ndërkombëtarë se Pavarësia e Kosovës do ta paqtonte gjithë rajonin, është sot një realitet.

Vizioni, përkushtimi, dhe vepra e tij për paqe, liri, dhe pavarësi, e kanë lartësuar përgjithnjë Presidentin Rugova në altarin e shenjtë të historisë së Kosovës dhe mbarë kombit shqiptar.

Ibrahim Rugova do të mbetet frymëzim për breza të tërë politikanësh që vendin dhe popullin e tyre e vënë përpara interesit personal.

Nderim përjetë veprës së ndritur të Presidentit Ibrahim Rugova.

 


Etiketa: , , ,

CLOSE
CLOSE
Pas