Aktualitet

Vjedhja në Gjirokastër/ Zbardhet ngjarja nga policia, në pranga autori





Bëni LIKE faqen zyrtare në Facebook
               Publikuar në : 12:00 - 24/07/20 |
mapo.al

Një person me inicilet V.K 32 vjeç ka hyrë nga dritarja e tualetit të një shtëpie në katin e parë të pallatit në Gjirokastër, banesë e një të moshuari  dhe ka vjedhur një shumë prej 18.700 lekë, sipas një njoftimi të policisë.


Ngjarja ka ndodhur mëngjesin e sotëm e policia e Gjirokastrës e ka zbardhur atë dhe ka vënë në pranga autorin.


Njoftimi i policisë:


Zbardhet në kohë rekord ngjarja e ndodhur në orët e para të datës 24.07.2020, në lagjen “Kodra e shtufit”.


Kapet dhe vihet në pranga autori i ngjarjes.

Në orët e para të mëngjesit të ditës së sotme, në lagjen “Kodra e shtufit”, në banesën e shtetasit H. Sh., 80 vjeç (kati i parë i një pallati), ka hyrë nga dritarja e tualetit një shtetas dhe ka vjedhur 18.700 lekë. Ky shtetas, kur ka hyrë në banesë është pikasur nga të zotët e banesës, të cilët kanë tentuar ta ndalojnë, por pasi ka marrë lekët pa u shkaktuar dëmtime fizike dy bashkëshortëve, është larguar me shpejtësi.

Falë punës së mirorganizuar hetimore u bë e mundur zbardhja e ngjarjes, identifikimi i autorit, kapja dhe shoqërimi i tij në ambientet e Komisariatit të Policisë Gjirokastër.

Në përfundim të veprimeve të para hetimore të kryera u bë ndalimi i shtetasit V. K., 32 vjeç, banues në lagjen “18 Shtatori” dhe materialet do t’i kalojnë Prokurorisë pranë Rrethit Gjyqësor Gjirokastër, për veprime të mëtejshme.


Etiketa: , ,

Pas