Manushaqe Picari, bashkëshortja e Mexhit Picarit që ditën e djeshme vrau ish-dhëndrin e tij ka dhënë dëshminë përpara gazetarëve.
Ajo ka thënë se Kudret Saliaj dhunonte vajzën e tyre Dhurata Saliaj, ndaj edhe ajo paraqiti dy foto ku shfaqet 33-vjeçarja me shenja në fytyre.
Sipas saj e kanë denoncuar disa herë në polici dhunën që dhëndri ushtronte ndaj vajzës së tyre por autoritetet nuk kanë bërë asgje.
Sipas pretendimeve të saj, familja e bashkëshortit të vajzës për shkak të lekëve dhe pushtetit, gjithmonë ka fituar proceset gjyqësore. Manushaqe Picari tha se ka frikë për ngjarjen, ndërsa djali i familjes është larguar.
Manushaqe Picari: Na ka rënë në qafë përherë, na ka dhunuar si familje, e përzuri vajzën për çështje xhelozie, e çoi atje në mal donte që ta groposte. Vajzën e arrestuan gjoja për dhunë në familje. I thashë që e doja si djalin tim, e ka kërcënuar dje vajzën megjithë gocën, burri im nuk ka pasur armë.
Më ka marrë dje policia dhe më pas kanë bërë kontroll në banesë, vetëm kam ditur që vajza ka pasur divorcin, dhe i kam thënë që të mos ia jepte. Ai paguante lekë në Gjykatë, dhe vajzën nuk e linte që të takonte fëmijët.
Pse të bëjë vajza burg? Në rajonin numër 4 nuk na merrnin dëshminë. Gocën e kanë rrahur dhjetë veta, i kanë thyer brinjët, para ca kohësh na tregoi vajza që e kishin rrahur. Burri ishte dy metra, si mund ta rrihte vajza ime atë? Vajza nuk ka pranuar që ti jepte divorcin, ne punojmë tre turne, e di e gjithë lagja, kam punuar gjithë jetën, dhe në ka futur dhëndri në hasmëri.
E çoi vajzën në një kasolle në mal, dhe vajza kishte frikë se mos e vriste, na erdhi dhe te lokali dhe donte të na shtypte me kamion.
LEXO EDHE:
Vjehrri vrau dhëndrin – Akuza për tradhti e kërcënime, si lindën konfliktet
