U paralajmërua që e premtja do të ishte dita e Xavi Hernandez.
Ish-mesfushori rikthehet në shtëpi, aty ku fitoi gjithçka si lojtar dhe tani do të synojë ta bëjë edhe si trajner.
Zyrtarisht, Xavi Hernandez është trajneri i ri i Barcelonës, teksa Al Sadd i hapi rrugë rikthimit të tij pasi arriti konsensusin për prishjen konsensuale të kontratës me klubin katariot.
Ishte vet Al Sadd që konfirmoi zyrtarisht i pari largimin e Xavit e më pas edhe Barcelona konfirmon trajnerin e ri, me shpresën për t’u rikthyer në nivelet që një klub si katalanasit duhet të jetë.
Deri në 2024 është fillimisht akordi mes Xavit dhe Barcelonës me këta të fundit që kanë paguar 5 mln Euro për të liruar trajnerin e tyre të ri nga Al Sadd.
