Gjatë gjithë natës, duke u gdhirë e marta ka pasur raportime të shumta rreth sulmit terrorist në kryeqytetin austriak.
Sot në mengjes herët, gazeta “Der Standard”, bën të ditur se të paktën 4 civilë janë vrarë dhe njëri prej autorëve.
6 skena krimi janë evidentuar, që do të thotë se ka patur sulme në 6 zona të ndryshme, të gjitha pranë qendrës së Vjenës.
Ndaj besohet se autorët mund të kenë qënë më shumë se 2
Policia ka bastisur banesën e njërit prej atentatorëve, që është ekzekutuar, dhe ka gjetur aty materiale, si video, që tregojnë se ai ishte një militant i IS.
Numri i të plagosurve është 17, disa prej të cilëve në gjendje të rëndë.
Mes tyre edhe një polic.
Qeveria ka anuluar sot frekuentimin e shkollave dhe u ka kërkuar qytetarëve të shmangin transportin publik dhe grumbullimet në qendër.
Sulmi i mbrëmshëm erdhi pak orë pasi të hynte në fuqi izolimi, mbyllja për shkak të koronavirusit.
Autorët kanë qënë të paisur me pistoleta dhe armë automatike.
Vjena nuk kishte pasur deri tani sulme të tilla terroriste.
Kancelari Kurz është shprehur se reagimi i policisë do të jetë i rreptë. Aksione dhe kontrolle masive po bëhen në gjithë vendin dhe në pikat kufitare.
Ende njëri prej të dyshuarve nuk është ndaluar.
Etiketa: IS, sulm terrorist, viktima, vjene
