Shtohen rastet e grabitjes së karburanteve, ndërkohë që çmimet vijojnë të mbeten të larta.
Në kuadër të operacionit të koduar “Agents”, Policia e Tiranës ka vënë në pranga dy persona, pasi në bashkëpunim me njëri-tjetrin kanë vjedhur sasi të mëdha karburanti në firmën ku punonin.
Të arrestuarit janë shtetasit me iniciale A. K., 46 vjeç dhe M. V., 39 vjeç,, të cilët akuzohen për veprën penale “Vjedhja” e kryer në bashkëpunim.
“Këta shtetas ishin të punësuar si agjentë shitjesh në një fabrikë për përpunimin e qumështit dhe në periudha të ndryshme kohore, në bashkëpunim me njëri-tjetrin, kanë vjedhur sasi karburanti nga automjetet që përdornin për të shitur produktet e fabrikës. Nga verifikimet e kryera ka rezultuar se këta shtetas, gjatë muajit të fundit, kanë vjedhur rreth 250 litra karburant, nga automjetet që ata përdornin për punën”, thuhet në njoftimin e policisë.
Materialet i kaluan Prokurorisë, për veprime të mëtejshme procedurale.