Policia ka vënë në pranga një person, të shpallur në kërkim për “Vjedhje me dhunë”.
Shtetasi Eduart Haxhia, banues në Paskuqan, është arrestuar në Rinas pasi ishte dënuar nga Gjykata e Apelit në vitin 2014, me 3 vjet e 4 muaj burg.
“Shërbimet e Komisariatit të Policisë Nr. 2, në bashkëpunim me shërbimet e Policisë Kufitare Rinas, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, organizuan dhe finalizuan operacionin policor të koduar “Punishment”.
Në kuadër të këtij operacioni, në PKK Rinas, u bë kapja dhe ndalimi i shtetasit:
– Eduart Haxhia, 28 vjeç, banues në Paskuqan.
Ky shtetas ishte shpallur në kërkim, sepse Gjykata e Apelit Tiranë e ka dënuar me 3 vjet e 4 muaj burgim, për veprën penale “Vjedhja me dhunë”, pasi në vitin 2014, në rrugën “Ylbere Bylykbashi” i ka vjedhur me dhunë aparatin celular, një shtetaseje”, thuhet në njoftimin e Policisë.