Aktualitet

Vokshi: Faturat e hoteleve nxjerrin gënjeshtare ministren






               Publikuar në : 20:03 - 25/08/19 |
mapo.al

Ish-deputetja e PD-së Albana Vokshi, përmes një statusi në rrjetin social “Facebook”, përgënjeshtron ministren e Drejtësisë Etilda Gjonaj, duke thënë se ajo ka paguar 700 euro natën për një dhomë në hotel.


“Faturat janë të shkruara e zeza mbi të bardhë, reagimi i Etilda Gjonit tenton të bëjë shqiptarët për budallen”, thotë Vokshi.

Postimi i plotë

Reagimi i Etilda Gjonit për hotelet luksoze me çmime sheikësh, ku qendron gjatë vizitave zyrtare, tenton të bëjë shqiptarët për budallenj.

Faturat janë të shkruara e zeza mbi të bardhë.

Dhoma e luksit me 700 euro nata:

1. Është në emrin e Ministres së Drejtësisë, Etilda Gjonaj.
2. Është dhomë teke.
3. Është dhomë e paguar për 1 person, ku, normalisht, nuk mund të gjente strehë gjithë delegacioni, siç mashtron ministrja e Edi Ramës.

Edhe kontrollin e brendshëm e ka porositur sa për të larë duart me opinionin publik, që e refuzon luksin e qeverisë së vendit më të varfër në Europe! Askush nuk e ka detyruar Etildën të zgjedhë hotele me 5 yje gjatë vizitave të saj, vizita të cilat nuk rezultojnë në kohë bumi turistik, që Etilda të mos gjejë një dhomë të zakonshme, pa shumë luks dhe komoditete të tjera speciale.

Dhe, së fundi, zonja ministre e një qeverie hajdute gënjen edhe për kohën e publikimit të lajmit, i cili është shpërndarë parmbrëmë, jo para 24 orësh, siç përpiqet të mashtrojë Etilda, në mënyrë që të justifikojë heshtjen e gjatë për shpenzimin e parave publike si t’i kishte fituar në bixhoz.


Etiketa: , ,

Pas