Deputetja e zgjedhur e PD, Albana Vokshi i është drejtuar me një letër zyrtare trupit diplomatik në Shqipëri, ku shpreh shqetësimin për rrezikun e kapjes nga Qeveria të Këshillit Drejtues të RTSH dhe bordit të AMA-s.
Letra i është dërguar delegacionit të BE, Ambasadës së SHBA, prezencës së OSBE, Këshillit të Evropës, Komisioneres për të Drejtat e Njeriut në Këshillin e Europës Mijatovic, Komisionereve Maryia Gabriel dhe Dubravka Suica, Presidentes së Forumit te Grave të PPE Doris Pack si dhe të gjitha organizatave ndërkombëtare që trajtojnë cështje të medias si RSF, TI, Freeeom House etj.
Në letër adresohen një sërë problematikash që po rrezikojnë seriozisht lirinë e medias në Shqipëri si:
– ndalimi i gazetarëve të akredituar në Kuvend për të marrë pjesë në Komisionet Parlamentare dhe censurimi i tyre
– rreziku nga miratimi i paketës “anti-shpifje”
– kapja e Këshillit drejtues të RTSH dhe Bordit të AMAs
