Policia ka arrestuar dy autorët e dyshuar të krimit qe ndodhi mëngjesin e sotem në Lushnje, ku u vra me armë zjarri Romeo Hasalla.
Të plagosur mbetën Shuaip Hasalla, (babai i viktimës), si dhe dy vëllezërit e të riut, Laert dhe Emiljano Hasalla.
Ngjarja ka ndodhur pas një konflikti çasti në lidhje me tokën me ullinj.
Njoftimi i Policisë
Lushnjë
Kapen dhe vihen në pranga dy nga autorët e dyshuar të ngjarjes së ndodhur mëngjesin e sotëm në Garunjas të Lushnjës.
Vijojnë kontrollet intensive për kapjen e autorit tjetër të shpalluar në kërkim.
Strukturat hetimore të DVP Fier në bashkëpunim me shërbimet e Komisariatit të Policisë Lushnje në vijim të punës intensive për zbardhjen dhe dokumentimin e ngjarjes së ndodhur në fshatin Garunjas, kanë vijuar kontrollet për lokalizimin dhe kapjen e autorëve.
Si rezultat i kontrolleve të pandërprera gjatë ditës së sotme, nga shërbimet e Komisariatit të Policisë Lushnjë në bashkëpunim me shërbimet e Komisariatit të Policisë Divjakë, është bërë e mundur kapja e dy prej autorëve të dyshuar të shpallur në kërkim, shtetasit M. H., 20 vjeç dhe A. H., 42 vjeç, banues në Garunjas, Lushnjë.
Nga specialistët për Hetimin e Krimeve në Komisariatin e Policisë Lushnjë është bërë arrestimi i tyre për veprat penale “Vrasje në rrethana cilësuese” e kryer në bashkëpunim dhe “Vrasje në rrethana cilësuese” e kryer në bashkëpunim, e mbetur në tentativë.
Vijon puna nga shërbimet e Policisë për kapjen e shtetasit K. H.
LEXO EDHE:
Sherri për tokën, kush është 30-vjeçari që u vra nga kushërinjtë (FOTO)
Vrasja në Lushnjë – Nëna vajton të birin: I raftë zjarri tokës
