fbpx

Aktualitet

Vrasja e 55-vjeçarit në Dukagjin, arrestohet i afërmi i viktimës





               Publikuar në : 10:49 - 22/10/19 |
mapo.al

Pas kontrolleve të shumta gjatë natës dhe informacioneve nga banorët e zonës, është bërë i mundur arrestimi i autorit të vrasjes së 55-vjeçarit Lazër Arraj mesditën e djeshme në Dukagjin. Autori u arestua në zonën e Shoshit.


Burime për ‘News 24’ bëjnë me dije se në pranga ka rënë djali i djalit të xhaxhait të viktimës, si dhe janë shoqëruar babai dhe vëllai i tij.



Policia nuk jep ende emrin e të arrestuarit, por bëhet me dije se është pikërisht ai që lajmëroi dje se e gjeti të pajetë 55-vjeçarin.


Arraj u vra me armë zjarri në fshatin Palaj në zonën e thellë të Shoshit në qarkun e Shkodrës në Malësinë e Dukagjinit.

55-vjeçari jetonte në Shkodër, ndërsa kishte shkuar në fshat për pak kohë. Lazer Arraj u gjet i vrarë në rrugë, ndërsa ishin nipërit e tij që e panë. Pjetrushi, siç njihej, ka qenë duke u kthyer për në Shkodër momentin e vrasjes.

Lexo edhe: Emri/ Vritet me armë 55-vjeçari në Malësinë e Dukagjinit


Etiketa: , , , ,

CLOSE
CLOSE
Pas