Aktualitet

Vrasja e Ahmet Toskës në Fier, policia arreston autorin














Bëni LIKE faqen zyrtare në Facebook
               Publikuar në : 09:04 - 15/11/20 |
mapo.al

Policia e Fierit ka arrestuar mëngjesin e sotëm autorin e vrasjes së 50-vjeçarit Ahmet Toska.






Ai është identifikuar si Fatmir Hoxhaj, 52 vjeç. Kujtojmë se Ahmet Toska, u ekzekutua me një plumb në kokë më 26 tetor të këtij viti në lagjen “Sheq i Madh”.


Toska u gjet i pajetë nga disa kalimtarë në rrugë mëngjesin e 26 tetorit rreth orës 6 të mëngjesit.







Motivet e ngjarjes mbeten ende të paqarta. Ata të cilët e njihnin Toskën, e përshkruanin si një njeri të qetë dhe punëtor.



Ekzekutimi në sy të gruas
Fqinjët e 50-vjeçarit, Ahmet Toksa, kanë dëgjuar krisma vetëm 3 herë dhe më pas kanë dëgjuar bashkëshorten e viktimës teksa bërtiste.



Sipas tyre, autori ka qenë i maskuar dhe është larguar në këmbë pa makinë, pasi nuk kishin parë asnjë automjet që të kalonte në ato orë.

“Dëgjuam krisma armësh, i njohim si familje e mirë. Po shoqëronte gruan për në punë, në një furrë buke. Ai vetë punonte në një pikë karburanti. Dëgjova ulerima, bashkëshortja po bërtiste “ma vranë-ma vranë”. Autorët kanë qenë pa makinë, nuk kemi parë asnjë makinë të kalojë”, u shprehen për mediat fqinjët e çiftit.

“Ahmeti ishte njeri i mirë. Nuk e di se ku punonte. E shoqja punonte tek furra e bukës”, ka shtuar një banore tjetër.

Njoftimi i Policisë 

Fier

Kapet dhe ndalohet autori i dyshuar i ngjarjes së datës 26.10.2020, ku në lagjen “Sheq i madh” Fier, mbeti i vrarë me armë zjarri shtetasi A. T.

Nga Sektori për Hetimin e Krimeve të Rënda në DVP Fier, në bashkëpunim me Prokurorinë e Rrethit Gjyqësor Fier, në lidhje me ngjarjen e ndodhur në datë 26.10.2020, ku në lagjen “Sheq i madh”, Fier është vrarë me armë zjarri shtetasi A. T., 50 vjeç, pas një pune të mirëorganizuar dhe hetimeve të pandërprera, është arritur të behet kapja dhe ndalimi i autorit të dyshuar:

F. H., 52 vjeç, banues në Fier.

Prokuroria pranë Gjykatës së Shkallës së Parë Fier në bazë të fakteve dhe provave të administruara në interes të hetimeve të procedimit penal të regjistruar për vrasjen e shtetasit A. T., ka lëshuar urdhërin për ndalimin e shtetasit F. H., si autor i dyshuar për kryerjen e veprës penale “Vrasje me paramendim” dhe “Mbajtje pa leje të armëve dhe municionit luftarak”.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.

1


Etiketa: , , ,

CLOSE
CLOSE
Pas