Policia e Durrësit ka vënë në pranga një 27-vjeçar të shpallur në kërkim për veprat penale “Vrasja me paramendim” kryer në bashkëpunim dhe “Armëmbajtja pa leje”.
Anxhelo Boçi, 27 vjeç, banues në Tiranë, dyshohet se është i përfshirë në ngjarjen e ndodhur më datë 18.09.2020, në lagjen nr. 13, Plazh, Durrës.
Pas një konflikti të çastit me mjete të forta dhe më pas me armë zjarri mbetën të plagosur shtetasit Erald Gjini, 19 vjeç, H. T., 23 vjeç dhe shtetasi Armando Baboçi (Gj)., 39 vjeç, i cili si pasojë e plagëve të marra ndërroi jetë në Spitalin Rajonal Durrës.
Anxhelo Baboçi akuzohet për veprat penale “Vrasje me paramendim”, kryer në bashkëpunim dhe “Armëmbajtja pa leje”. Materialet i kaluan Prokurorisë Durrës, për veprime të mëtejshme.
Kur ndodhi ngjarja?
Ngjarja në fjalë ka ndodhur më 18 shtator 2020 në zonën e plazhit në Durrës.
Ngjarja u regjistrua në lagjen Nr.13, te sektori Teuta i plazhit rreth orës 20:00.
Mësohet se 2 shtetas, babë e bir, u përfshinë në konflikt, për motive të dobëta.
Për fat të keq një prej tyre, shtetasi Armando Baboçi (GJ), 39 vjeç, nuk mundi t’i mbijetojë plagëve dhe ndërroi jetë në spital.
I plagosur mbeti edhe djali i viktimës, shtetasi Erald Gjini, 19 vjeç.
