Parcela që zbuloi Saimir Hoxha me dy kolegët e tij, pak para se të ekzekutohej në krye të detyrës, më 28 shtator, duket se nuk ishte e vetmja në rrethinat e qarkut të Lezhës.
Kështu rezulton nga një operacioni i SPAK-ut në bashkëpunim me Policinë, ndonëse ende nuk jepen të dhëna zyrtare për rezultatet, pasi duket se ende nuk janë ekzekutuar të gjithë urdhrat e ndalimit. Deri tani flitet për 5 efektivë të arrestuar.
Burime të rezervuara nga Policia thanë se Prokuroria e Posaçme ka lëshuar urdhra ndalimi, në lidhje me një procedim penal për “kultivim bimësh narkotike”, që ende nuk dihet nëse ka nisur para apo pas vrasjes së oficerit të Policisë së Lezhës, Saimir Hoxha.
Behët fjalë për persona të përfshirë në kultivimin e drogës, në zonën kufitare mes Pukës dhe Mirditës, nën juridiksionin e qarkut të Lezhës. Parcela që zbuloi dhe asgjësoi bashkë me dy kolegët e tij, Saimir Hoxha, tashmë i shpallur dëshmor, kishte vetëm 62 bimë. Megjithatë, nuk dihet se sa bimë janë kultivuar në parcelat e tjera.
VRASJA E OFICERIT
Policia e Shtetit, duke dhënë detaje për vrasjen e oficerit Saimir Hoxha në krye të detyrës, shpjegonte se: “Strukturat e Komisariatit të Policisë Lezhë kishin formuar grupin e kontrollit, pas informacioneve për ekzistencën e një miniparcele të kultivuar me bimë narkotike. Grupi i kontrollit përbehej nga tre punonjës Policie dhe kryesohej nga shefi i Seksionit për Hetimin e Krimeve në Komisariatin e Policisë Lezhë. Punonjësit e Policisë kanë qenë me veshje civile dhe njëri prej tyre ishte me jelek fosforeshent me mbishkrimin Policia.
Grupi i kontrollit ka gjetur dhe asgjësuar me anë të djegies, 62 bimë narkotike dhe gjatë kthimit, rreth 500 metra nga miniparcela ku u asgjësuan bimët narkotike, është shkëmbyer me automjetin tip ‘VolkParcela që zbuloi Saimir Hoxha me dy kolegët e tij, pak para se të ekzekutohej në krye të detyrës, më 28 shtator, duket se nuk ishte e vetmja në rrethinat e qarkut të Lezhës. swagen’, ku ndodheshin autori dhe dy shokët e tij tashmë të arrestuar”.
Oficeri i krimeve në Policinë e Lezhës, Saimir Hoxha, u ekzekutua nga Aldi Rama paraditen e 28 shtatorit. Tre efektivët e Policisë ishin kthyer pas një operacioni ku kishin asgjësuar një parcelë të vogël me kanabis në Ishull Lezhë. Në kthim, oficerët e Policisë ndaluan për kontroll makinën, në të cilën ndodhej Aldi Rama bashkë me dy shokë të tij, por sapo oficeri Saimir Hoxha i ka kërkuar mjetin e identifikimit Ramës, ai e qëlloi me armë zjarri, duke e lënë të vdekur.
Më pas, kolegët e Hoxhës i janë kundërpërgjigjur me armë, por i riu arriti të largohet dhe pas rreth 5 orësh ndjekje nga forcat RENEA, i riu qëlloi veten me një plumb në kokë, duke gjetur vdekje mëngjesin e ditës nesërmes në Spitalin e Traumës në Tiranë. Policia bënte me dije se në vendin e ngjarjes ishin gjetur nëntë gëzhoja plumbash, të cilat ishin të armëve të efektivëve që ishin në vendin e ngjarjes, për të cilët Policia thoshte se kanë qëlluar në drejtim të automjetit të 21-vjeçarit që tentonte të arratisej nga vendi i ngjarjes. Ndërkohë, shokët e Aldi Ramës janë dorëzuar pa rezistencë, 21- vjeçari që ndodhej në pjesën e pasme të automjetit ka refuzuar, duke u deklaruar efektivëve se “unë nuk jam për t’u kontrolluar…”.
