Aktualitet

Vrasja në Fier, tre ditë para ngjarjes babai i viktimës paralajmëroi autorin














Bëni LIKE faqen zyrtare në Facebook
               Publikuar në : 16:24 - 12/09/21 |
mapo.al

Zbardhen të tjera detaje nga vrasja e Sabrina Bengajt. Mësohet se i ati i saj, e ka kërcënuar ish-dhëndrin Elton Metën tre ditë përpara se ai t’i merrte jetën vajzës së tij.






Burime pranë familjes së autorit thanë se i ati i 23-vjeçares jeton në Itali dhe i ka telefonuar ish-dhëndrit duke i thënë që t’i qëndronte larg Sabrinës dhe vajzës së tyre 3 vjeçare.


Madje mësohet se 31 vjeçari për këtë është konsultuar dhe me ish -avokatin e tij Kujtim Cakrani, i cili e këshilloi që denoncojë në polici.







Pas këtij episodi, të premten në mbrëmje, Elton Meta ka shkuar në fshatin Zhupan të Fierit tek banesa e ish-bashkëshortes duke e qëlluar për vdekje, teksa ajo po konsumonte darkën.



Në 20 shtator të vitit të shkuar për më shumë se 5 orë Elton Meta në kërcënimin e armës mbajti peng ish-bashkëshorten dhe familjen e saj në banesën e tyre, duke qëlluar dy herë në ajër.

Lexo edhe :  Krim i paralajmëruar? Elton Metaj kishte kërcënuar më parë prindërit e Sabrinës


Ai u neutralizua nga Renea dhe u dorëzua. 31-vjecari u prangos dhe ndaj tij u ngritën 3 akuza, dhunë në familje, kundërshtim të forcave të policisë dhe armëmbajtje pa leje.

Dhe pse me akuza të rënda, Elton Metaj fitoi lirinë.

Prokurori Çlirim Sino i kërkoi gjyqtarit Piro Sota shtrim të tij në spitalin psikiatrik ku qëndroi disa muaj. I njëjti gjyqtar më pas ndryshoi masën e sigurisë nga shtrim i detyruar në spital, në kurim ambulator në shtëpi. Në fund të muajit korrik ai la spitalin dhe shkoi në shtëpi.

2


Etiketa: , ,

CLOSE
CLOSE
Pas