Detaje të reja dalin në dritë nga vrasja e ndodhur të shtunën në fshatin Çerem, në Tropojë.
Mësohet se një konflikt i çastit mes dy bashkëfshatarëve ka degraduar në përdorimin e armës së zjarrit, me pasojë vdekjen e 50-vjeçarit Esat Goci.
Viktima kishte shkuar në banesën e zjarrfikësit Astrit Ismailisufaj, ku fillimisht është përballur me nënën e tij, të cilën e ka shtyrë me dhunë në tentativë për të hyrë brenda banesës.
Viktima Isat Goci, 50 vjeç
Pasi ka dalë në oborr dhe ka parë nënën të shtrirë në tokë, zjarrfikësi Astrit Ismailisufaj i ka kërkuar Esat Gocit që të largohet, por ky i fundit vijonte të kërkonte llogari për sherrin e nisur më herët.
Autori, Astrit Ismailisufaj
Në konflikt e sipër, Astrit Ismailisufaj ka nxjerrë armën pistoletë duke e plagosur në këmbë 50-vjeçarin. Fatkeqësisht Goci nuk ka arritur t’i mbijetojë plagës së marrë dhe ka gjetur vdekjen rrugës për në spital.
Autori i vrasjes është vetëdorëzuar, ndërsa policia ka sekuestruar edhe armën e krimit.
