Kronika

Masakroi kunatën dhe e hodhi në ferra, burg përjetë për Dashamir Xhepën














Bëni LIKE faqen zyrtare në Facebook
               Publikuar në : 15:21 - 21/01/21 |
mapo.al

Gjykata e Tiranës ka dënuar me burgim të përjetshëm Dashamir Xhepën, i akuzuar për vrasjen e kunatës së tij, Lirie Xhepa.





Ngjarja ndodhi në 13 shkurt të vitit 2019, ndërkohë Xhepa u arrestua në një hotel në Peshkopi, ndërsa efektivët e policisë ishin kamufluar si klientë.


Gruaja 49-vjeçare, Lirie Xhepa u gjet e pajetë pranë kodrave të liqenit të Sharrës. Ajo ishte goditur me sende të forta dhe më pas është qëlluar me armë zjarri. Viktima ka humbur jetën menjëherë, ndërsa më pas autori e ka marrë me makinë dhe e ka hedhur te disa shkurre, e cila u gjet nga kalimtarë të rastit.




Ngjarja e rëndë
Nëna e katër fëmijëve Lirie Xhepa u vra me armë në 13 shkurt të vitit 2019, pranë kodrave të liqenit të Sharrës. Ajo u gjet e masakruar nj ditë më pas. Krimi ndodhi për shkak të një konflikti për pronat mes Dashamir Xhepës dhe kunatës së tij Lirie, por hetuesit dyshojnë se mes tyre kishte edhe lidhje intime.


“Kishim konflikte për pronat pas ndarjes nga jeta të vëllait tim, na kishte ulur reputacionin e familjes duke krijuar mardhënie intime me të tjerë në fshat ndaj e vrara”– ka deklaruar Dashamir Xhepa, para gjykatës.


Lirie Xhepa fillimisht është goditur me sende të forta pas koke, hekur ose gurë mëngjesin e 14 shkurtit. Më pas ajo është qëlluar me pistoletë nga një distancë e afërt, duke i shkaktuar vdekjen e menjëhershme. Më pas 49- vjeçarja është qëlluar dhe dy herë në bark.

Bashkëshorti i saj ishte ndarë nga jeta vite më parë, dhe 49-vjeçarja jetonte e vetme me dy fëmijët e saj. Viktima me kunatin e saj ishin fqinj, banesat e tyre ishin 500 metra larg dhe ndodhen në lagjen “Qershori”, në periferi të Kombinatit në Tiranë.

Autori dhe viktima, lidhje intime
Lirie Xhepa kishte pasur konflikte të vazhdueshme me njerëzit e burrit të saj të ndarë nga jeta. Po ashtu, grupi hetimor nuk ka përjashtuar në asnjë moment edhe faktin se mes viktimës dhe autorit mund të ketë pasur një lidhje intime. Banorët e zonës ku ndodhi ngjarja, janë shprehur ditën e ngjarjes se të gjithë ishin në dijeni të lidhjes intime mes tyre. Madje, edhe të dhunës së vazhdueshme që ushtrohej ndaj 49-vjeçares, por askush nuk fliste.

***
Kanë qenë banorët e fshatit Sharrë, ata që kanë lajmëruar Policinë se një trup i pajetë ishte hedhur në ferra. Me të shkuar në vendin e ngjarjes, Policia ka bërë të mundur nxjerrjen e viktimës nga shkurret, për ta çuar më pas në morg. Pas disa orësh, është bërë dhe identifikimi i saj, që ishte shtetasja Lirie Xhepa. Pas hetimeve të kryera, Policia arrestoi atë kohë si autor të dyshuar kunatin e viktimës, Dashamir Xhepa. Fillimisht u hodh hipoteza se viktima dhe autori i dyshuar mund të kishin një lidhje intime. Por ky fakt ende nuk është vërtetuar. Fëmijët e viktimës gjatë deklaratave të tyre kanë mohuar se nëna e tyre mund të jetë vrarë si pasojë e një lidhjeje.

1


Etiketa: ,

Share
Mbyll
CLOSE
CLOSE
Pas