Një 20-vjeçar, shqiptar i Kosovës, u gjet i vdekur mëngjesin e sotëm në Calcio të Italisë. Rastin për rtv21.tv e bëri të ditur një shok i ngushtë i tij, i cili tregoi se 20-vjeçarin nga Kosova e hodhën në një lumë.
Sipas mediave italiane, 20-vjeçari, Erion Morina, i cili ka jetuar në qytetin e Bassa për disa vjet, e kaloi mbrëmjen në Peter Pan Caffè, një bar 50 metra larg nga ku u vra.
Sipas mediave italiane, rreth orës 06:00 të mëngjesit, disa kalimtarë vërejtën pikat e gjakut në trotuar dhe më pas kufomën.
Brenda dy orësh u identifikua autori i dyshuar i krimit. Autori i dyshuar M. M, 20 vjeç, u dërgua në komandën e Treviglio për t’u marrë në pyetje.
Sipas shokut të viktimës, 20-vjeçari i vrarë është Erion Morina nga fshati Drenoc i komunës së Malishevës.