Kancelarja gjermane, Angela Merkel parashikon rrugë të gjatë për vendet e Ballkanit Perëndimor që kërkojnë anëtarësimin në Bashkimin Evropian.
Gjatë takimit të parë të turit të lamtumirës me presidentin serb Aleksandër Vuçiç, Merkel tha se njohja e Kosovës mbetet kusht për integrimin.
“Kosova nuk do të zhduket nga agjenda dhe se disa çështje zgjidhen fare në fund procesit. Jo të gjithë anëtarët e BE-së e kanë njohur Kosovën. Unë kisha një qasje pragmatike”, – tha ajo në konferencën e përbashkët me Vuçiç, të cilin e lavdëroi “si njeri të fjalës”.
“Ne anëtarët e Bashkimit Europian, duhet të kemi parasysh se është në interesin tonë absolut gjeostrategjik që t’i përfshijmë këto vende në Bashkimin Europian,” tha Merkeli.
Ajo shtoi se çështja e njohjes së pavarësisë së Kosovës nga Serbia është një çështje që do të zgjidhet “në fund të këtij procesi”.
“Të gjithë e dinë që disa anëtarë të BE-së nuk e kanë njohur Kosovën. Çështja duhet të zgjidhet. Nuk ka kuptim të flasim për përfundimin e një procesi para se të zgjidhen gjërat e tjera, dhe pastaj i gjithë procesi, “tha ajo. Merkel.
Edhe presidenti serb Aleksandar Vuçiç pranoi se zgjidhja e çështjes së Kosovës është kusht për anëtarësim në BE.
“Unë nuk do të mohoj njohuritë tona për kushtet për t’u bashkuar me BE. Siç dëgjoni nga Prishtina se ata kanë Kushtetutën e tyre, kështu që ne kemi Kushtetutën tonë të cilës ne i përmbahemi. Ne jemi gati për një kompromis, Jemi të vetëdijshëm se nuk do të jemi anëtarë të BE para zgjidhjes së çështjes,” tha Vuçiç.
Pas Serbisë, kancelarja do të vizitojë Tiranën ku përveç takimit me kryeministrin Edi Rama do të presë në takime të ndara edhe udhëheqësit e tjerë të Ballkanit Perëndimor.
