Aktualitet

Vuçiç: Padia kundër Serbisë për gjenocid, de facto bashkim Shqipëri-Kosovë














Bëni LIKE faqen zyrtare në Facebook
               Publikuar në : 12:47 - 05/05/21 |
mapo.al

Presidenti serb, Aleksandar Vuçiç tha sot se paralajmërimi i Kosovës për të dorëzuar padi për gjenocid kundër Serbisë në Gjykatën Ndërkombëtare të Drejtësisë, është paralajmërim që nënkupton fillimin e bashkimit të Kosovës me Shqipërinë.






“A mund ta kërcënoni Serbinë me procese gjyqësore për gjenocid? Ju mund ta bëni atë vetëm përmes një shteti tjetër, domethënë përmes Shqipërisë – kjo do të nënkuptojë fillimin de facto të bashkimit me Shqipërinë. Unë u kërkoj shqiptarëve nga Kosova të mos e bëjnë këtë”, tha Vuçiç me një dozë kërcënimi.


Ai gjithashtu u bëri thirrje atyre që, siç thotë ai, “vazhdojnë të kujdesen për Prishtinën si fëmijën e tyre”, të mos e bëjnë këtë.





“Unë u kërkoj të mos e bëjnë”, tha Vuçiç.



Ai shtoi se ndërkombëtarët gënjejnë kur thonë se janë kundër ndryshimit të kufijve.

Lexo edhe :  Mbi 32 mijë qytetarë nga Kosova kaluan fundjavën në Shqipëri

“Kur dëgjoni reagimet e njerëzve nga jashtë dhe posa t’ju thonë se janë kundër ndryshimit të kufijve, ju e dini që ata po ju gënjejnë hapur”, tha Vuçiç.

Qeveria e Kosovës planifikon të ngre padi në Gjykatën Ndërkombëtare të Drejtësisë ndaj Serbisë për krimin dhe gjenocidin gjatë luftës.

Këtë synim, kryeministri Albin Kurti e ka deklaruar në fjalën e tij të parë në Kuvend pasi mori pozitën e shefit të Qeverisë.

124


Etiketa: , , ,

CLOSE
CLOSE
Pas