Moderatorja Xhemi Shehu ka folur sot në “Wake Up”, jo vetëm për rikthimin e saj në “Portokalli”, por edhe për familjen.
Përveç së tjerash, ajo tregoi edhe pse nuk i ekspozon djemtë në rrjetet sociale. Ajo tha se është supersticioze, sepse sa herë publikon fotot të tyre në Instagram, ato sëmuren apo iu ndodh ndonjë gjë.
“Jo më larg se dje i nxora dhe nuk e di se çfarë pata. Nuk i kam postuar shumë. Kur ishin më të vegjël kam nxjerrë ndonjë foto me mendimin se rriten e do ndryshojnë, të paktën nuk do njihen e do mbahen mend. Më sëmureshin sa herë i nxjerrja në rrjetet sociale, nuk më hanin bukë, iu hipte temperatura. Dhe besoj shumë te kjo energjia. Qoftë për mirë, qoftë për keq ndikojnë tek ta dhe i kam hequr”, u shpreh Xhemi.
