Ambasadorja amerikane, Yuri Kim, në një prononcim të shkurtër për mediat, pas një konferencë për 100-vjetorin e marrëdhënieve mes Shqipërisë dhe SHBA-së deklaroi se mbështet “Ballkanin e Hapur”.
“Ne mbështesim të drejtën e vendeve të Ballkanit Perëndimor që të jenë të integruar në Europë dhe të integruar mes vete. Ne do të vazhdojmë të mbështesim të gjithë përpjekjet, përfshirë dhe Ballkanin e Hapur, në mënyrë që të jenë konseguente dhe të kontribuojnë për procesin e integrimit që ndiqet nga BE dhe që janë të hapur për 6 vendet”, deklaroi ambasadorja.
Kujtojmë se, nisma “Ballkani i Hapur”, e propozuar nga presidenti i Serbisë, Aleksandar Vuçiç është mbështetur nga qeveria shqiptare dhe maqedonase. Maqedonia e Veriut, Shqipëria dhe Serbia kanë zhvilluar disa takime dhe kanë firmosur disa marrëveshje mes tyre.
