Kronika

Zbardhen dëshmitë: Elida mohon lidhjen që solli vrasjen














Bëni LIKE faqen zyrtare në Facebook
               Publikuar në : 09:22 - 28/01/19 |
mapo.al

“Arben Gjeci më kishte ngacmuar disa herë, madje më kishte dalë edhe në rrugë, por unë nuk i kisha dhënë fjalën për asgjë dhe nuk kisha asnjë lidhje me të”.






Është kjo dëshmia e 21-vjeçares Elida Cani në Policinë e Tiranës në lidhje me vrasjen për nder që iu bë Arben Gjecit.


Sipas Elida Canit, 34-vjeçari i kishte shkruar edhe në celular.







“Ai përveçse kishte kërkuar një lidhje të fshehtë me mua, më shkruante shpesh sms. Unë nuk kam pranuar. Pavarësisht se mund të kisha ndonjë konflikt me burrin, nuk kam pasur lidhje të fshehtë me Arben Gjecin”, – është shprehur Elida Cani.




Vëllai i Elida Canit, vrau pak ditë më parë Arben Gjecin. Esat Cani dyshohet se gjeti bashkë 34-vjeçarin me motrën e tij dhe për çështje nderi e qëlloi me sende hekuri.



Vetë autori i kësaj ngjarje Esat Cani është shprehur para uniformave blu se dhëndrri i ishte ankuar për një tradhti të motrës, por nuk ka qënë ai që e vrau.

“Dhëndrri i familjes (Dëfrim Kurti) më ishte ankuar se motra ime e tradhtonte. Unë nuk dyshoja për këtë gjë prandaj e mbajta në vëzhgim motrën. Nuk e di çfarë ndodhi atë natë, por nuk isha unë personi që vrau Arben Gjecin”, – është shprehur Esat Cani.

Policia deri më tani ka arrestuar autorin e dyshuar Esat Canin për plagosje të rëndë me pasojë vdekjen, Elida Canin dhe burrin e saj Dëfrim Canin, për veprime që pengojnë zbulimin e të vërtetës.

Mbrëmjen e 24-janarit policia thotë se Elida Cani është takuar me Arben Gjecin pasi ata prej disa kohësh kishin një lidhje të fshehtë.

Ata janë ruajtuar nga i vëllai dhe burri, e janë gjetur të dy bashkë pranë banesës së familjes Cani. Aty ku më pas ndodhi dhe përplasja fatale që solli krimin.

1


Etiketa: , , ,

Pas