Vrasja e 22-vjeçares Eglantina Buci në vitin 2012-të, është zbardhur nga dëshmia e një të penduari, i cili rezulton se u përdor nga Faik dhe Shkëlzen Buci, për t’i ngritur kurth.
Gazeta MAPO ka siguruar dëshminë e M.T, i cili thotë se fjalët e fundit të Eglantinës ishin: “Të lutem mos më vra“, para se vëllai i saj ta qëllonte me 1 plumb në kokë.
“Eglantina kishte ikur me fqinjin. Familja e martoi me një djalë tjetër, por ajo zgjodhi të largohej me fqinjin në Babrru, me orgjinë nga Fushë Kruja. Kur u largua, Eglantina mori nga banesa edhe 15 milionë lek të vjetra”, – thotë M.T.
Ky person u vendos nga familja Buci për të krijuar lidhje me Eglantinën. M.T ishte i martuar dhe më fëmijë, por Faik Buci i bleu një unazë që t’ja jepte vajzës së tij dhe më pas ta merrte me makinë, pasi ishin njohur me herët.
Autori i vrasjes, Shkëlzen Buci
“Pasi kaluam guroret, Eglantina e shqetësuar i tha Shkëlzenit se mos më bën gjë, por ai ju përgjigj: Pasi të m’i tregosh të gjitha çfarë di dhe çfarë ke bërë do kthehemi prapë. Eglantina i tha “po përse këtej, ato që di t’i kam treguar”.
Në momentin që kaluam Qafë Mollën Eglantina e shqetësuar u lut: Pranoj të fejohem me kë të doni ju, edhe sakat të jetë nuk e kam problem. Në këtë çast vëllai i thotë: e ke marrë rrugën e m…. thuaj ç’të duash, i more lekët dhe t’i hanë të tjerët. Eglantina i tha se e droguan dhe i morën lekët. Në një moment Shkëlzen Bucit i ra telefoni dhe Eglantina i është lutur: Foli se mos më ban ndonjë gjë, së nuk është në terezi”, – thotë i penduari M.T.
Eglantina Buci dhe babai i saj Faik Buci, organizatori i krimit