Në Këshillin Parlamentar të Legjislacionit u votua pro listave të hapura në zgjedhje, çka do të thotë ndryshim i dy neneve të Kushtetutës, 64 dhe 68. Iniciativa erdhi dhe u mbrojt sot nga opozita parlamentare, konkretisht nga deputeti Myslim Murrizi.
Eshte rënë dakort që 2/3 e listave do të jenë të hapura. Ndërsa 1/3 e listave do të jenë të mbyllura për t’i dhënë mundësi përfaqësimi grave.
Propozohet kalimi me sistem rajonal me korrektim kombëtar. Te sistemi rajonal pragu zgjedhor do të jetë ai natyral, në bazë të përpjestimit të votave.
Kurse për korrektimin kombëtar propozohet të vendoset pragu zgjedhor, niveli i të cilit është ende në diskutim.
Deri tani janë propozuar nivelet 2.5, 3 ose 5%.
