Në muajin e shenjtë të Ramazanit u regjistrua mesditën e sotme një sulm në xhaminë “Dine Hoxha”, në rrugën e Kavajës, Tiranë.
Rudolf Nikolli, 34 vjeç, qëlloi me thikë 5 persona, mes tyre 4 besimtarë që po kryenin ritin e faljes së mesditës.
Burime për Mapo bëjnë me dije se i riu qëlloi fillimisht një punonjës picerie, më pas shkoi në xhaminë që ndodhej përballë picerisë, ku sulmoi 4 besimtarët, që fatmirësisht ndodhen jashtë rrezikut për jetën.
Të plagosurit janë të gjithë të rinj, përkatësisht të moshave 22-35 vjeç.
Ata janë identifikuar si:
Donald Koçi – 35 vjeç
Saba Peposhi – 22 vjeç
Mariglen Konja – 24 vjeç
Kleon Jaupaj – 26 vjeç
Anri Tola – 23 vjeç
Ende nuk dihen shkaqet e kësaj ngjarjeje të rëndë, por Rudolf Nikolli rezulton se ndodhej në kërkim nga Policia prej datës 11 mars. Një muaj më parë, Nikolli plagosi me thikë shtetasin Robert Kurti, në një terminal autobusësh në Tiranë.
I riu nuk njihet me precedent të mëparshëm penal, por plagosja e 5 personave në xhaminë “Dine Hoxha” krijon dyshime se kemi të bëjmë me një person me probleme mendore.
I menjëhershëm ka qenë reagimi nga imami i xhamisë, Ahmed Kalaja. Në një prononcim për mediat, Kalaja tha me lot në sy se shpreson që të mos bëhet fjalë për një akt terrorist.
LEXO EDHE:
Sulm me thikë te xhamia e Rrugës së Kavajës, plagosen 5 besimtarë-kapet autori
