Aktualitet

Zbardhet vendimi i Apelit për Tahirin, Prokuroria ngre akuzë të re: Kultivim kanabisi





Bëni LIKE faqen zyrtare në Facebook
               Publikuar në : 14:08 - 28/07/20 |
mapo.al

Gjykata e Posaçme e Apelit kundër Korrupsionit dhe Krimit të Organizuar ka zbardhur vendimin për ish ministrin e Brendshëm, Saimir Tahiri, një vendim i cili e rikthen çeshtjen për rigjykim.


Sipas kësaj gjykate, Prokuroria është kontradiktore pasi ka ngritur akuzë të re ndaj Tahirit për “kultivim narkotikësh”.


Gjithashtu Apeli i Posaçëm e cilëson të gabuar vendimin e gjykatës së shkallës së parë, duke u shprehur se: Gaboi në rikualifikimin e veprës penale.


Po ashtu thuhet ndër të tjera se Tahirit dhe Jaeld Celës nuk iu dha mundësia të mbroheshin për akuzën e “shpërdorimit të detyrës”.


Gjykata e cilëson si jopërfundimtar vendimin që është marrë në Katania të Italisë pasi nuk plotëson kushtet. Nga ana tjetër janë shkelur disa dispozita nga Prokuroria për akuzat e reja ndaj Tahirit dhe Jaeld Çelës si dhe në rikualifikimin e veprave penale nga Gjykata e Krimeve të Rënda e cila ka dhënë edhe një vendim më parë por që Gjykata e Posaçme e Apelit e hodhi poshtë.

Tashmë çështja e Saimir Tahirit pas 3 vitesh do të rikthehet për rigjykim nga fillimi teksa ish- ministri e ka cilësuar si të padrejtë këtë vendim dhe një zvarritje të qëllimshme.


Etiketa: , ,

CLOSE
CLOSE
Pas