Aktualitet

Zbulohet banesa e kthyer në laborator kanabisi në Fier, 2 të arrestuar, 3 në kërkim





Bëni LIKE faqen zyrtare në Facebook
               Publikuar në : 08:58 - 01/05/20 |
mapo.al

Dy të arrestuar, dy në kërkim dhe tre elektricistë në hetim. Çfarë zbuloi policia në banesën në Fier, detajet e operacionit


Dy persona janë vënë në pranga, dy janë shpallur në kërkim dhe tre elektricistë janë proceduar penalisht.


Ky është bilanci i operacionit antikanabis të koduar “Laboratori”, zhvilluar nga seksioni për hetimin e narkotikëve në DVP Fier.


Policia zbuloi një laborator, i cili ishte në funksion të kultivimit të bimëve narkotike, ndërkohë elektricistët i kishin siguruar lidhje të paligjshme në ambientin e përshtatur.


NJOFTIMI

Nga ana e Seksionit për hetimin e narkotikëve në Drejtorinë Vendore të Policisë Fier, pas informacioneve të marra më parë në rrugë operative, u finalizua operacioni antikanabis i koduar ”Laboratori”, në kuadër të të cilit u arrestuan në flagrancë A.K., 22 vjeç dhe Q.K., 48 vjeçe, banues në Mbrostar, Fier.

U shpallën në kërkim dy bashkëpunëtorë të tjerë, konkretisht shtetasit A.K., banues në Mbrostar, Fier dhe F.B., 33 vjeç, banues në Kosovë.

Shtetasit e mësipërm, në bashkëpunim me njëri- tjetrin, kishin përshtatur ambientin e banesës së 53-vjeçarit A.K., me aparatura që shërbejnë për kultivimin dhe prodhimin e lëndës narkotike.

Gjatë kontrollit të banesës, u gjetën dhe u sekuestruan në cilësinë e provës materiale 312 fidanë të dyshuar Kanabis, të kultivuara, pajisjet të cilat kanë shërbyer për kultivimin e bimëve narkotike si dhe një pajisje presimi, gërshërë etj.

Nga këqyrja në ambientet e jashtme të rrjetit elektrik, është konstatuar një lidhje e paligjshme e energjisë elektrike, e cila shërbente për furnizimin e paisjeve, që ndihmonin në kultivimin dhe rritjen e bimëve narkotike.

Në këtë kuadër u proceduan penalisht tre elektricistë, G.M., E.M. dhe B.Q., banues në Fier. Këta shtetas duke shpërdoruar detyrën kanë lejuar lidhjen e paligjshme të energjisë elektrike në banesën e shtetasit A.K.

Materialet për veprime të mëtejshme do t’i kalojnë Prokurorisë pranë Gjykatës së Shkallës së parë Fier, për veprat penale “Prodhimi dhe shitja e narkotikëve”, “Kultivimi i bimëve narkotike”, “Vjedhja e energjisë elektrike” dhe “Shpërdorimi i detyrës”.


Etiketa: , , ,

CLOSE
CLOSE
Pas