Një sasi droge e llojit kokainë është sekuestruar mëngjesin e kësaj të marte në portin e Durrësit. Lënda narkotike është gjendur në hambarin e anijes “Unistream” me flamur të Antigua Barbuda.
Anija, që transportonte qymyr, ka mbërritur në kalatën lindore të portit të Durrësit ditën e djeshme.
Sipas BW, brenda anijes u zbuluan 53 pako me kokainë, të fshehura në dy çanta.
Kontrollet për drogë u ushtruan nga task-forca e policisë pas sinjalizimeve të ardhura nga partnerët ndërkombëtare.