Kreu i Partisë Demokratike, Lulzim Basha, ka reaguar lidhur me AMA-n, duke iu bashkuar thirrjes së BE dhe OSBE për të shtyrë në shtator votimin.
Në një postim në Twitter, ai akuzon Kryeministrin se edhe kur i jepet një shans për për të vepruar në shërbim të interesave të vendit, sillet me harbutëri në dëm të të gjithë shqiptarëve dhe të Shqipërisë.
“E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën, duke hedhur poshtë thirrjen e partnerëve për të shtyrë në shtator votimin për AMA. Kjo nuk është forcë, po harbutëri në dëm të të gjithë shqiptarëve dhe të Shqipërisë“.
Pak orë para votimit për kreun e AMA-s në Kuvend, delegacioni i Bashkimit Europian në Shqipëri i ka bërë thirrje ligjvënësve ta shtyjnë këtë procedurë bashkë me emërimin e anëtarëve të bordit të këtij autoriteti në muajin shtator.
Delegacioni ka ftuar autoritetet të marrin në konsideratë të vazhdojnë me këtë emërim gjatë legjislaturës së ardhshme në shtator.
Delegacioni BE nënvizon se është e rëndësishme që në këtë proces të mos ketë dyshime mbi natyrën jopartiake, profesionale dhe pluraliste të punës së AMA-s.
Të njëjtën thirrje bëri edhe OSBE.
