Deputetja Mesila Doda tha sot në mbledhjen te Kuvendi se, çdo raund që ikën pa zgjedhjen e kandidaturave, është një mundësi e humbur për ta zgjedhur atë në mënyrë konsensuale.
“Ky i sotmi është një diskutim që do të duhet ta kishim bërë një javë më parë, ose 10 ditë më parë. Presidenti duhet të jetë për unitetin dhe mbi palët. Nesër të shohim te ai dhe një katror që mund të luaj rëndësi për krizën politike. Ky parlament ka një memorie, ku disa njerëz mbylleshin me ditë dhe orë të tëra për të situr kandidaturat përkatëse. Çdo raund që ikën pa kandidat për president, është mundësi e humbur për të zgjedhur një president konsensual, që do të kishte nderuar institucionet shqiptare. Se besoj se politika shqiptare se ka këtë fuqi për të zgjedhur një president të tillë. Ne të opozitës do të duhet të ishim njohur dhe nga afër me dokumentin. Nuk ka arsye se pse ta marrim me post. Lidhja me dekomunistizmin, apo dekriminalizimin, s’do të duhet të diskutohet që në 2022 të jetë kështu”, u shpreh Doda.
Ajo bëri thirrje që të ngrihen mbi palët politike dhe të futen në një proces real.
“A ka mundësi që të futemi në një proces real? Njerëzit futen deri sa të dalin me rezultat. Kemi momentin për t’i dhënë shqiptarëve një rezultat. Të sjellim një produkt real për shqiptarët. Kemi një memorie në këtë parlament se si vijnë kandidaturat apo nuk pranohen nga palët, të dalim mbi veten dhe të tregojmë se kemi aftësi. Të vijnë kandidaturat.”, tha deputetja.
