Aktualitet

Zgjedhjet- Drejtori i Rendit Publik: Mbi 7500 policë do të jenë në terren














Bëni LIKE faqen zyrtare në Facebook
               Publikuar në : 16:57 - 17/04/21 |
mapo.al

Pjesë e rëndësishme e mbarëvajtjes së një procesi të rregullt zgjedhor është edhe roli i policisë së shtetit.






Mbi 7.500 efektivë të policisë do të jenë në terren për të garantuar mbarëvajtjen e procesit zgjedhor të 25 prillit në Shqipëri.


Përgatitjet e policisë për këto zgjedhje kanë nisur që në dhjetor të vitit të shkuar kur kanë nisur edhe trajnimet e stafit. Në një intervistë për News24 Drejtori i Rendit Publik, Ylli Vasili tha se për gjithë procesin zgjedhor policia do ta ndjekë në 4 faza që në nisje të fushatës deri në dorëzimin e fletëve të votimit në kzaz.





Policia do të hartojë edhe një regjistër ku do të shënohet çdo vepër penale në fushën zgjedhore i cili do të jetë i aksesueshëm nga të gjithë.



Një rëndësi e vecantë do i kushtohet edhe ruajtjes së institucioneve e personaliteteve.


Në ndryshim nga zgjedhjet e kaluara KQZ ka kërkuar nga policia që të mos përfshijë në efektivët që do të angazhohen në zgjedhje punonjës me më pak se 4 muaj eksperiencë. Po ashtu nuk do përfshihen as forcat komando dhe efektivët e policisë kriminale, si edhe nuk do të lejohen grimbullimet e qytetarëve deri në 150 m pranë qendrave të votimit.

Zgjedhjet e 25 prillit pritet të monitorohen nga 250 vëzhgues të OSBE-ODIR të cilët do të fokusohet ne zbatimin e identifikimit biometrik, monitorimin me abuzimet e përdorimit te burimeve shtetërore në fushatë zgjedhore dhe votimin nën masat anti-Covid.

1


Etiketa: ,

CLOSE
CLOSE
Pas