28 kandidatë për deputetë të forcave të ndryshme politike që do të garojnë në zgjedhjet e 25 prillit, kanë përfunduar për verifikim në Prokurorinë e Përgjithshme, me kërkesë të Komisionit Qëndror të Zgjedhjeve.
Në listën e mëposhtme, shihet se kanidatët që do i nënshtrohen verifikimeve të Prokurorisë së Përgjithshme, janë pothuajse nga të gjitha forcat politike. Ndër emra, bie në sy ai i Tom Doshit, për të cilin Ambasada e SHBA ka kërkuar të mos futet në zgjedhje.
Emri i Dashamir Tahirit po ashtu është për verifikim, i larguar nga Parlamenti përmes ligjit të dekriminalizimit, por i futur në listën e “Lëvizjes për Ndryshim” të Jozefina Topallit, për në 25 prill.
Për verifikim nga radhët e PD, janë ish-kryebashkiaku i Mallakastrës Agron Kapllanaj dhe futbollisti Gentian Muça. Nga Partia Socialiste është Leonard Beqiri.
